Lost IN Romance

වියළි ජීවන කතරට වැටෙන ආදරයේ පිණි බිංදු

Posts Tagged ‘stephen daldry’

The Reader (2008) – II

Posted by lostinromance මත නොවැම්බර් 22, 2009

( I කොටස )

එතැන් සිට චිත්‍රපටය දිවයන්නේ මෙම නව යොවුන් තරුණයාත්, තරුණ විය පසු කරමින් සිටින වෘත්තියෙන් ට්‍රෑම් රථ කොන්දොස්තරවරියක වන ගැහැණියත් අතර ඇති වන අතිශය සමීප, ලිංගිකත්වය හා ආදරය කැටිවූ සම්බන්ධය විදහා දැක්වෙන රූප රාමු පෙලක් ඔස්සේ යි‍. ආදරය හා ලිංගිකත්වයට සීමා මායිම් නොමැති බව මෙම රූප රාමු පෙළ ප්‍රේක්ෂකයාට යළි යළිත් පසක් කර දේ. ඉතා මැනවින් හා සංයමයෙන් රූගත කර ඇති මෙහි ඇති ලිංගික හා ආලිංගන දර්ශන මෙම සබැඳියාවේ ගැඹුර ඉතා හොඳින් ප්‍රකට කරවයි.

තමන් පාසලේ උගන්නා ලෝක ප්‍රකට සාහිත්‍ය කෘති රැගෙන ගෙන එන ඔහු ඒවා ඇයට ඇසෙන්නට කියවයි. ඇය ඔහුට ළංව ඒවා රස විඳියි. චිත්‍රප‍ටයේ නාමය වන ද රීඩර් යන්න ගොඩනැගෙන්නේ ද මේ කථා කියවීම හරහා බව මේ වන විට ප්‍රේක්ෂකයාට ඒත්තු යයි. ඇය තමන්ගේ කියවන කථා ඇසීමට ප්‍රියකරන බව දන්නා ඔහු එය ඉමහත් උනන්දුවකින් සිදු කරයි. ඇගේ සිතැඟි කෙරේ අතිශයෙන් සංවේදී මයිකල් පාසලේ දී සම වයසේ රූබර තරුණියන්ගෙන් ලැබෙන ආදර ආරාධනා ප්‍රතික්ෂේප කරන්නේ ඔහු එම ගැහැණිය කෙරේ ආශක්තව ඇති ප්‍රමාණය අපට පෙන්වමිනි. එමෙන්ම කලින් පෞරුෂත්වයක් නොමැති ඔතෑනි යෞවනයකු වූ මයිකල් මේ අසම්මත සම්බන්ධයත් සමඟ හොඳ පෞරුෂත්වයක් සහිත ක්‍රියාශීලී තරුණයකු බවට පත්වේ. එය සිදුව‍න්නේ යහනේ දෙව්දුවක් වන් මෙම රූබර ගැහැණිය සමඟ රමණයේ යෙදීමට ලැබීම යන සම වයසේ අනෙක් යෞවනයන්ට භුක්ති විඳීමට නොලැබෙන ජයග්‍රහණයක් අත්පත් කර ගැනීමට නිසා ‍ඔහු තුල ගොඩනැගෙන මානසික විශ්වාසය නිසා නො‍වේ ද?

තමන් අතර ඇති වයස් සීමා පරතරය හා බාහිර නොගැලපීම ‍ආදිය ආදරයෙන් වෙලුන ඔහුට නොපෙනී යන අයුරු මෙහි හොඳින් නිරූපණය වෙයි. එම ගිම්හානයේ දවසක ඇය හා ඔහු බයිසිකල් සවාරියක යෙදේ. එහි දී හමුවන ගැහැණියක් ඇයව ඔහුගේ මව ලෙස සිතයි. සමාජ සම්මතයන්ට පිටුපා යාමට කැමති යොවුන් වයසේ පසු වන ඔහු ඇගේ එම හඳුන්වා දීම තුලින් තමන්ගේ වීරත්වයක් දුටුව ද හැනා එය කෙරෙහි සංවේදී වෙන අයුරු අපට තිරය මත පෙනේ.

හැනා ද මයිකල් සමඟ කාලය ගත කිරීමෙන් සතුටු වන බව හා ඔහුට ආලය කිරීමට පටන් ගෙන ඇති බවක් අප දුටුව ද ඇගේ චරිතය පුරා දිවයන ගුප්ත බව අප සසල කරවයි. ඇය කිසියම් රහසක් සඟවා ගෙන සිටින ගැහැණියක් බව මෙම චරිතය රඟන ශූර නිළිය තමන්ගේ විස්මිත රඟපෑම ඔස්සේ නිරන්තරයෙන් පෙන්වයි. ඇය සඟවා ගෙන සිටින රහස කුමක් ද? අප කිසිසේත්ම නොසිතන එවැනි මානයක් පුද්ගලයෙකුගේ ජීවිතය මුළුමනින්ම වෙනස් කිරීමට සමත් වන්නේ කෙසේ ද?

ඔවුන් එකතුව ගෙවන එම ගිම්හාන‍යේ කෙළවර දිනෙක කිසිම ළකුණක් ඉතිරි නොකර ඇය තම නවාතැනෙන් සමුගෙන යයි. තමන් ගේ අවසන් හමුවේ දී ඇයගේ හැසිරීම ගැන සැක සිතුනු මයිකල් නැවත ඇගේ නවාතැනට පැමිණි විට තමන්ගේ සැකය හරි බව ඔහුට පෙනෙයි. එමඟින් ඔහු දරා ගත නොහැකි ශෝකයට පත් වෙන නමුත් ඔහුගේ ජීවිතය ඉදිරියට ගලා යයි. චිත්‍රපටය තුල අපට නැවත ඔහු හමුවන්නේ අට වසරකට පසු නීති ශිෂ්‍යයෙකු ලෙසයි.

ඔවුන‍්ගේ දෙවන හමු වීම සිදුවන්නේ කෙසේ ද? හැනා අනුකම්පාව ලැබිය යුතු චරිතයක් ද? නැතිනම් ඇය මුහුණ දුන් ඉරණම ඇයට උරුම වූවක් ද? සම්මත වුවද අසම්මත වුවද ආදරය යනු මිනිස් ජීවිත සසල කර දමන කිසිදා කිසිවෙකුට තේරුම් කළ නොහැකි අත්දැකීමක් නොවන්නේ ද? ඒ හා බැඳුනු සිදුවීම්, භෞතික දෑ ජීවත් වන තුරා අපගේ අධ්‍යාත්මය සමඟ කෙලෙස බැඳී පවතී ද?

මෙම පැන ඔබට ඉතිරි කරමි.

අධ්‍යක්ෂණය – ස්ටීවන් ඩැල්ඩ්‍රි
හැනා – කේට් වින්ස්ලේ
මයිකල් – රැල්ෆ් ෆියෙන්ස්
මයිකල් (තරුණ) – ඩේවිඩ් ක්‍රොස්

චිත්‍රපටිය ගැන වැඩිපුර  විස්තර අයි.එම්.ඩී.බී, විකිපීඩියාව

Advertisements

Posted in Uncategorized | Tagged: , , , , , , , , , , , , | 2 Comments »

The Reader (2008)

Posted by lostinromance මත අප්‍රේල් 1, 2009

10read.1.600

ස්ටීවන් ඩැල්ඩ්‍රි අධ්‍යක්ෂණය කළ අපූරු සිනමාපටයක්. පශ්චාත් දෙවන ලෝක යුද සමයේ සිට දශක කිහිපයක් ඉදිරියට දිවෙන කථා පුවතක් චිත්‍රපටයට තේමාව වී තිබේ. රාගය, ආදරය, ආශාව, වෛරය ආදී විවිධ මානුෂික හැඟීම් සියල්ලම කැටි කොට ගත් නිර්මාණයක් වූ ද රීඩර් එක් තේමාවකට සීමා වූ චිත්‍රපටයක් නොවේ. අතිශය අනුරාගික දර්ශන වලින් සමන්විත වූ චිත්‍රපටයේ මුල් භාගය නරඹා කුල්මත් වන ප්‍රේක්ෂකයන් ඊට සපුරා වෙනස් මානයක් ‍ඔස්සේ හරවා යවන්නට ඩැල්ඩ්‍රි සමත් වේ.

චිත්‍රපටය ඇරඹෙන්නේ පහළොස් හැවිරිදි මයිකල් බර්ග් නැමැති තරුණ පාසල් ශිෂ්‍යයා ට්‍රෑම් රථයකදී අසනීපවෙන දර්ශනයකින්. ට්‍රෑම් රියෙන් බැස නිවාස පේළියකට ඇතුළුවන දොරටුව අසල වාඩිවී වමනය කරන ඔහුට පිහිටවන්නේ අවුරුදු තිස් පහක් පමණ වයසැති රූමත් කතක්. ට්‍රෑම් රථ ‍ෙකාන්දොස්තරවරියක ලෙස සේවය කරන ඇය ජීවත් වන්නේ ඒ අසල උඩු මහලක ඇති නිවාසයකය. නිවසට යන මයිකල්ට බරපතල උණ රෝගයක් වැළඳී ඇති බව නිශ්චය කරන වෛද්‍යවරයා මාස තුනක් ඇඳට වී විවේක ගැනීමට නියම කරයි.

තෙමසකට පසු සම්පූර්ණයෙන් සුව වූ මයිකල් මල් කළඹක් ද ගෙන ඇයගේ නිවසට යන්නේ ඇයට ස්තූතිය පළ කිරීමටයි. ඇය ඔහුගේ පැමිණීම ගැන එතරම් තැකීමක් නොකරන නමුත් තමන් සමඟ ට්‍රෑම් රථ නැවතුම් පලට යාමට ඔහුට ආරාධනා කරයි. ඇය හැඳ පැළඳ ගන්නා තුරු එළියට වී ඉන්නා ඔහුට බාගෙට විවරවූ දොරෙන් ඇයගේ අඩ නිරුවත් හැඩකාර සිරුර දර්ශනයවේ. ඒ කෙරෙහි වශීකෘත වී නොසෙල්වී බලා සිටින මයිකල්ගේ දෙනෙත් වලට එක්වරම දොරටුව දෙස බලන ඇයගේ දෙනෙත් හමුවේ. ලැජ්ජාවට පත්වන ඔහු එතනින් ඉවත්වී පලා යයි.

නමුත් දින කිහිපයකට පසු මයිකල් නැවත එන්නේ සිදුවීම ගැන සමාව ගැනීමට යි. නමුත් ජීවිතයේ අත්දැකීම් සපිරි ඇයට ඔහුගේ සිතැඟි හඳුනා ගැනීම අපහසු වන්නේ නෑ. තමාගේ සරාගී සිරුරට වශීවී ඔහු ආ බව දන්නා ඇය ඔහුව ගල් අඟුරු ගෙන ඒම සඳහා බිම් මහලට යවයි. ගල් අඟුරු කුඩු සිරුර පුරා තවරාගෙන එන මයිකල් දෙස බලා දඟකාර ලෙස සිනාවෙන ඇය ඔහුව දුහුල් තිරයකින් ආවරණය කර ඇති නාන බේසම වෙත කැඳවා ගෙන යයි. බිය නොවී නිරුවතින් ජලයට බසින ලෙස ඔහුට පවසන ඇය ඔහු ඇඳම් ඉවත් කරන දෙස හොරැහින් බලා සිටින අතර මයිකල් ආපසු හැරී බලද්දී එතනින් ඉවත්වේ. නෑම අවසානයේ ඇය විසින් තුවාය දවටන තුරු පිටුපා හැරී සිටින ඔහුගේ පිට පෙදෙස පුරා දිවයන ආකර්ශනීය පහස නිසා ඔහු තිගැස්සේ. ඒ අන් කිසිවක් නොව ඇයගේ පිරිපුන් පියවුරු යුගලයි. ඇයගේ දෑත් ඔහුගේ නොඉඳුල් සිරුරේ රහස් සොයමින් දිව යාමට පටන් ගනී. කිසිදා ගැහැණියකගේ පහස නොලත් යොවුන් මයිකල් ඇයගේ සරාගී ස්පර්ශය හමුවේ ගල් ගැසී සිටිනා අයුරු ප්‍රේක්ෂකය‍ාට පෙනේ….

To Be Continued …..

Posted in Uncategorized | Tagged: , , , , | Leave a Comment »