Lost IN Romance

වියළි ජීවන කතරට වැටෙන ආදරයේ පිණි බිංදු

සුළං කුරුල්ලෝ හෙමින් ඉගිල්ලී මොනව ද මේ අරගෙන එන්නේ …….

Posted by lostinromance මත මාර්තු 17, 2010



ආදරේ කියන වචනේ නම් මේ දවස්වල හතර වටින් කන් දෙක පිරෙන්න ඇහෙනවා. එෆ්.එම්. එකක් ටියුන් කලත් ටී.වී. චැනල් එකක් දැම්මත් ඉරිදා පත්තරේක ටැබ්ලොයිඩ් අතිරේකයක් ගත්තත් පර්සනල් බ්ලොග් එකක් බැලුවත් ෆේස් බුක් එක බැලුවත් ආදරේ දෝරෙ ගලනවා. ඇත්තටම මේවයේ තියෙන විදියට මිනිස්සු ආදරේ කරනවා නම් මේ ලෝකේ කොච්චර සුන්දර තැනක් වෙයි ද? ඇත්තටම මෙහෙම සුන්දර පරම පිවිතුරු ආදරයක් අපි ජීවත්වෙන ලෝකේ පවතිනවා ද?

මට නම් පේන්නේ ආදරය පාරිභෝගික භාණ්ඩයක් බවට පත්වෙලා ඒකෙ තියෙන වටිනාකම අධිනිශ්චය කිරීමක් වෙලා තියෙනවා කියලා. කටුක සත්‍යය තමයි සැබෑ ආදරය මිය ගිය හෝ මිය යාමට ආසන්න කාලයක තමයි අපි ඉපදිලා ඉන්නේ. නිවෙන්න ළං වුනාම ඉටි පන්දමක දීප්තිය වැඩි වෙනවා වගේ ආදරයේ දීප්තියත් දැන් වැඩි වෙලා තියෙන්නේ. හාට් එකක් ගහලා දුන්නොත් ඕන දෙයක් මාකට් වෙන සීන් එකක් තමයි තියෙන්නේ. අපිත් ආදරේ කඩෙන් අරන් හරි හිත ඇතුලෙන් හිතලා හිතලා මවාගෙන හරි ආදරණීය පෙම්වතුන් පෙම්වතුන් පෙම්වතියන් වෙන්න තමයි සිහින මව‍න්නේ.  ආදරේ සුව උපරිමයෙන් විඳින ආදරණීය කපල් එකක් කියලා ලෝකෙට පෙන්නන්න තමයි කවුරුත් ට්‍රයි කරන්නේ. සමහරවිට අපි ඇත්තටම හදවතිනුත් එහෙම හිතනවා. ඒත් අපි නොදන්න දේ තමයි අපි තවත් හුවමාරු භාණ්ඩයක ගණුදෙනු කාරයෝ බවට පත් වෙලා කියලා.

ඇත්තටම හිතලා බැලුවොත් අපි අපගේ පෙම්වතා/පෙම්වතිය සොයා ගැනීමේ සිට ආද‍රයේ විවිධ ඉසව් සොයා යාමේ දී ඒවායේ හුවමාරු වටිනාකම අවිඥානිකව ගණනය කරනවා. මම මේක කිව්වහම කව්රු හරි කියන්න පුළුවන් අනේ මම නම් ලව් කරන කෙනා නම් දුප්පත් කෙනෙක් නේ කියලා. ඇත්තටම මම හුවමාරු වටිනාකම කියන එකෙන් අදහස් කලේ වත් පොහොසත්කම (විතරක්) නෙවෙයි. ඊට වඩා පුළුල් අර්ථයෙන්. ඒත් ඒක ගැන වැඩිපුර විස්තර කරන්න ගියොත් මගේ බ්ලොග් එකේ සීමාවෙන් එපිටට යන නිසා වැඩිපුර විස්තර කරන්න මම කැමති නෑ.

ඉතින් ආදරේ ගැන රොමෑන්ටික් දෙවල් ගැන සිහින ලෝකයක ඉඳගෙන ලියන මම පොඩ්ඩක් සැබෑ ලෝකයට අවතීර්ණ වෙලා ආදරේ ගැන පියවි සිහියෙන් හිතන්න තමයි පොඩ්ඩක් ට්‍රයි කලේ. මොකද සිහිනය සුන්දර වෙන්න නම් සැබෑව ගැන පොඩි හැඟීමකුත් ඇති කරගෙන ඉන්න ඕනෑනේ. ආදරේ ගැන මේ විදියට ලිව්වා කියලා මාත් එක්ක පාඨකයෝ තරහ වෙන එකක් නෑ කියලා මම උපකල්පනය කරනවා.

ඒ කෙසේ වෙතත් ආදරේ මොන ස්වරූපයකින් තිබුනත් මේ පිස්සු විකාර නිරුදක ලෝකේ යාන්ත්‍රික මිනිස් ජීවිත වලට තියෙන එකම දිය බිඳ ආදරේ කියන එක නම් බොරුවක් නෙවෙයි. (ආදරේ අද කාලේ මෙච්චර මාකට් වෙන්න හේතුවත් ඒකම තමයි) ඒකයි මිනිස්සු කොච්චර අපහසු වුනත් සැබෑආදරයක් සොයා ගන්නට විඳින්නට උත්සාහ කරන්නේ. ඉතින් ඒ ආදරය සොයා ගෙන යන ආදර යාත්‍රා‍ව ඔයාලත් එක්ක හබල් ගාන්න ලොස්ට්INරොමෑන්ස් ඕන වෙලාවක සූදානම්.

Advertisements

2 Responses to “සුළං කුරුල්ලෝ හෙමින් ඉගිල්ලී මොනව ද මේ අරගෙන එන්නේ …….”

  1. කසුන් said

    සියලු මානුෂීය සබඳතා පාරිභෝගික භාන්ඩ බවට රූපාන්තරණය වෙමින් පවතින යුගයක ‘ආදරය’ පමණක් ඉන් වෙනස්ව පවිත්‍ර, පූජනීය තැනක ඉතුරු වීමේ හැකියාවක් නැහැ. උදේ ඇහැරුනු මොහොතේ සිට රාත්‍රීයේ නින්දට යන තෙක් හැමැතින්ම අහන්න,දකින්නට ලැබෙන ආදරය-සෙනහස ගැන වූ භක්තිමත් පූරා‍ජේරු නම් අපමණයි. ඒත් ‍ඒ කතා කරන්නේ ඇත්තටම ‘ආදරය’ ගැනද?

    සමහර විට මේ යුගය තුල ‘ආදරය’ යනු අතිශ්‍ය දුර්ලභ දෙයක් වීම නිසාම, මේ විදියට මහ ගොඩක් ආදරය ගැන කතා කරනව ඇති. කොහොමත් බොහෝ දේවල් වල අගය, වටිනාකම දැනෙන්න ගන්නේ ඒ දේවල් නැති වීමත් එක්කම නිසා.
    අනිත් අතට, සැමවිටම අනෙකාව බැහැර කොට තම ස්වාර්ථය හා ආත්ම විමුක්තිය ගැනම පමණක් සිතන්නට උගන්වන සමාජයක ආදරය කියන දේ හුදු වචන මාත්‍රයක් පමණක් වීම අහම්බයක් වෙන්නෙත් නැහැ.

    එහෙත් ඇත්තටම ‘ආදරය’ යනුවෙන් යම් දෙයක් පවතිනවා. ලෝකයට ‍මේ තරමින් හෝ හිතකර පැවැත්මක් තියෙන්නේ ඒ නිසා. වැඩිදෙනා ආදරය යනු කුමක්දැයි හරිහැටි වටහා නොගත් පමණින් එය නොපවතින දෙයක් වෙන්නේ නැහැ. දිනක සියලු මානූෂිය සබඳතා වෙළඳපොල විසින් හුදෙක් පාරිභෝගික සබඳතා බවට පමණක් හරවා දැමුවා වුවද එදිනටද ඒ මානුෂිය සබඳතා පිලිබඳ යතාර්තය වෙනස් වෙන්නේ නැහැ. ඒ අර්ථයෙන් ‘ආදරය’ යනු සදාකාලික දෙයක්.

  2. Orchids said

    All Sri Lankan Bloggers invited to join the
    one and only Multi lingual
    DIRECTORY OF SRI LANKAN BLOGGERS
    Orchids
    http://www.orchidslk.co.nr/

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

 
%d bloggers like this: